welcome to partidjamentu

Nobidádi | Libru Publikádu | Rizumu | Pâpia ku Nos

Rizumu di tudu libru publikádu

1 - Finasons di Nha Nasia Gomi, «Tradisons Oral di Kauberdi», Institutu Kauberdianu di Libru, Praia, 1985: Un libru (di 21x14, ku 118 pájina, sgotádu) undi rejistádu un poku di bida di Nha Násia Gomi i si finasons rakodjedu (pa otor) dirétamenti djuntu del, na Rubera Séka (undi ki el ta morába), na dizenbru di 1981 i agostu di 1982.

2 - Kumunhon d’Áfrika: onti oxi manhan, «Poesia», Instituto Caboverdiano do Livro, Praia, 1986: Primeru libru (di 21x14, ku 80 pájina, sgotádu) di puemas (kuázi tudu na káuberdiánu) ralasionádu (fundamentalmenti) ku Áfrika (en-jeral) i ku Káuberdi (en-partikulár).

3 - Na bóka noti, vulumi I, «Tradisons Oral di Kauberdi», Instituto Caboverdiano do Livro, s/l [Praia], 1987; 2ª edição, «Língua Cabo-Verdiana», Instituto da Biblioteca Nacional e do Livro, Praia, 2004: Un libru (di 21x14, ku 488 pájina) di stórias tradisional (tudu na káuberdiánu) rakodjedu djuntu di gentis di várius ilha, inbóra kuázi totalidádi di ilha di Santiágu.

4 - Kardisantus, «Poesia», Instituto Caboverdiano do Livro, s/l [Praia], 1987: Un libru (di 21x14, ku 46 pájina) di puemas (tudu na káuberdiánu) ki ta kritika situasons sósiu-pulítiku i kultural ki ta izistiba (o ta izisti inda) na Káuberdi.

5 - Nha Bibinha Kabral: bida i óbra (ku kolaborason di H. Santos i A. Semedo), «Tradisons Oral», Institutu Kauberdianu di Libru, s/l [Praia], 1988: Un libru (di 21x14, ku 288 pájina, sgotádu) sobri bida i óbra di Nha Bibinha Kabral, un inportánti kantadera (natural di Tarafal di Santiágu) di finason, ki ta konstitui isensial di si óbra.

6 - Natal i kontus, «Ficção», Instituto Caboverdinao do Livro, Praia, 1988: Un libru (di 21x14, ku 166 pájina) di stórias kiriádu pa otor sobri divérsus umánu, sosial i pulítiku na Káuberdi (sobrutudu) i na mundu.

7 - Escada de luz, «Poesia», Instituto Caboverdiano do Livro e do Disco, Praia, 1989: Un libru di puemas (di 21x14, ku 176 pájina) sobri divérsus situason umánu, sosial i pulítiku, ravelador (o inkubridor?) di divérsus vivénsa i stádu di álma.

8 - Nha Gida Mendi: simenti di onti na txon di manhan, «Tradições Orais», Instituto Caboverdiano do Livro, Praia, 1990: Un libru (di 21x14, ku 266 pájina) sobri bida i un párti inportánti di óbra di es grándi mudjer grándi di kultura di nos povu, undi sta distakádu sobrutudu finasons i sanbunas di ki el éra un fortaléza di konximentu i spiriénsa.

9 - Tenpu di tenpu, «Tradições Orais», Instituto Caboverdiano do Livro e do Disco, s/l [Praia], 1992: Un libru (di 21x14, ku 188 pájina, sgotádu) sobri dibinhas káuberdiánu, rakodjedu isensialmenti djuntu di gentis di ilha di Santiágu, dentu i fóra di Káuberdi.

10 - Na altar di nha petu, AEC-Editora, s/l [Praia], 1997: Un libru (di 21x14, ku 198 pájina, sgotádu) di puemas di amor, vivensiádu intensamenti pa otor nun spiriénsa umánu limiti.

11 - Konparason di konbérsu, «Tradições Orais», Instituto Caboverdiano do Livro e do Disco, Praia, 1997: Un libru (di 21x14, ku 116 pájina, sgotádu) sobri ditádus i senténsas káuberdiánu (un spésia di ripozitóri di sabedoriâ i filozofiâ populár, inxinádu pa spiriénsas di bida i vivénsas na sosiadádi), rakodjedu isensialmenti djuntu di gentis di ilha di Santiágu.

12 - Forsa di amor, Publicom, s/l [Praia], 1999: Un libru (di 21x14, ku 130 pájina) di puemas di amor ki uni dos korpu i dos álma ki jera más amor, frutu di ses amor pa perpêtua amor.

13 - Na kaminhu..., edição do Autor, Praia, 2000: Un libru (di 21x14, ku 96 pájina) di puemas undi otor (através i pamódi si spiriénsa i vivénsa) ta xinti ma el sta na kaminhu di... ki el kre partidja.

14 - Antologia da ficção cabo-verdiana: vol. III – pós-claridosos, AEC Editora, Praia, 2002: Un libru (di 23x19, ku 688 pájina) ki e un antolojiâ di otoris di fikison káuberdiánu, priparádu na kuádru di un prujétu (ki ka atinji totalmenti si obujetivu) di Asosiason di Skritoris Káuberdianu sobri fikison káuberdiánu (ántis di “Claridade”, ku “Claridade” i dipos di “Claridade”).

15 - (Kon)Tributu (pa libertason i dizanvolvimentu), edição do Autor, Praia, 2005: Un libru (d1 21x14, ku 496 pájina) di insáius sobri divérsus aspétu di kultura káuberdiánu, organizádu, komu un kontributu i un tributu (pesual di otor), pa sinála 35 ánu di indipendénsa di Káuberdi.

16 - Na bóka noti, vulumi II, «Tradições Orais», Instituto da Investigação e do Património Culturais, Praia, 2007: Un libru (di 21x14, ku 704 pájina) di stórias tradisional di Káuberdi, rakodjedu na ilha di Fogu, djuntu di gentis di Fogu, na ánbitu di un operason di rakódja organizádu, orientádu i dirijidu pa otor, inkuántu “dirijenti” (na kel altura) di Dipartamentu di Tradisons Oral di Direson-Jeral di Patrimóni Kultural.

17 - Na bóka noti, vulumi III, «Língua Cabo-Verdiana», Instituto da Biblioteca Nacional e do Livro, Praia, 2008: Un libru (d1 21x14, ku 718 pájina) di stórias tradisonal di Káuberdi, rakodjedu djuntu di gentis di ilha di Fogu, na ánbitu di un kanpánha di rakódja promovedu (na pais interu) i orientádu pa otor, inkuántu “dirijenti” (na kel altura) di Dipartamentu di Tradisons Oral di Direson-Jaral di Patrimóni Kultural.

18 - Na bóka noti, vulumi IV, «Tradições Orais», Instituto da Investigação e do Património Culturais, Praia, 2010: Un libru (di 21x14, ku 794 pájina) di stórias tradisional di Káuberdi, rakodjedu djuntu di gentis di ilha di Fogu, na ánbitu di kel kanpánha di rakódja promovedu (na pais interu) i orientádu pa otor, inkuántu “dirijenti” di Dipartamentu di Tradisons Oral di Direson-Jeral di Patrimóni Kultural.

19 - Na bóka noti, vulumi V, «Tradições Orais», Instituto da Investigação e do Património Culturais, Praia, 2010: Un libru (di 21x14, ku 692 pájina) di stórias tradisional di Káuberdi, rakodjedu djuntu di gentis di ilha di Fogu, na ánbitu di kel kanpánha di rakódja promovedu (na pais interu) i orientádu pa otor, inkuántu “dirijenti” di Dipartamentu di Tradisons Oral di Direson-Jeral di Patrimóni Kultural.

20 - Na bóka noti, vulumi VI, «Tradições Orais», Instituto da Investigação e do Património Culturais, Praia, 2011: Un libru (di 21x14, ku 822 pájina) di stórias tradisional di Káuberdi, rakodjedu djuntu di gentis di ilha di Fogu, na ánbitu di kel kanpánha di rakódja promovedu (na pais interu) i oientádu pa otor, inkuántu “dirijenti” di Dipartamentu di Tradisons Oral di Direson-Jeral di Patrimóni Kultural.

21 - Alfabétu Káuberdiánu: Un prupósta di skrita ku stória voltádu pa futuru, Instituto da Investigação e do Património Culturais, Praia, 2014: Un insáiu (di 21x14, ku 238 pájina) sobri stória di skrita di língua káuberdiánu, undi (baziádu na kel stória la) otor ta fase un prupósta di skrita ki (na si intendimentu) e más sistemátiku i más konsistenti ki tudu otu prupósta ki fasedu ántis del.

22 - Como é possível?!... (Altos e baixos dum amor), Livraria Pedro Cardoso, Praia, 2017: Un livru (di 14x21cm, purmeru organizádu pa si otor) di (60) puema di amor, ki so gósi (2017) ben tornádu públiku, pa mo di Pedro Cardoso Livraria.

23 - Amor i kiriason, Livraria Pedro Cardoso, Praia, 2018: Un livru (di 16x23,5) di (48) puema di amor, inspirádu pa un paxon pa tres mudjer omesmu tenpu, di ki es libru ta tráta.